تۆژینه‌وه‌ی زانستی



وه‌ڕِسى سێكسی دواى ژیانى هاوسه‌رێتى

    د. رێدار محمه‌مه‌د ئه‌مین

    كاندیدى بۆردى نه‌خۆشه‌ ده‌روونیه‌كان

    بێگومان مرۆڤ له‌ دواى پێگه‌یشتن و ته‌واو بوونى ئه‌ندامى سێكسی ئاره‌زووى سێكسی لا دروست ده‌بێت، ئه‌م ئاره‌زووه‌ له‌ مرۆڤێك بۆ یه‌ كێكى تر جیاوازى هه‌یه‌، و له‌ كاتێك بۆ كاتێكى تر جیاوازه‌، له‌م وتاره‌دا هه‌وڵده‌ده‌ین باسی وه‌رِسی سێكسی یان بێزاربوون له‌ سێكس بكه‌ین له‌ دواى ژیانى هاوسه‌رى.

    زۆر ده‌بیستین یه‌كێك گله‌یی ئه‌وه‌ ده‌كات، كه‌وا ماوه‌یه‌ك دواى ژیانى هاوسه‌رى تووشى وه‌ڕِسی سێكسی بووه‌، ئه‌مه‌ش دوو جۆره‌، یه‌كه‌م: وه‌رِسی سێكسی به‌رامبه‌ر هاوسه‌ره‌كه‌ى، له‌ كاتێكدا به‌رامبه‌ر كه‌سی تر ئاساییه‌، دووه‌م: وه‌ڕِسی سێكسی به‌رامبه‌ر به‌ كه‌سانی تر. له‌ كۆمه‌ڵگاى ئێمه‌ پیاوان زیاتر تووشى ئه‌م حاڵه‌ته ده‌بن‌ به‌لاَم ژنانیش له‌م گرفته‌ به‌ده‌رنین، وه‌ڕسی سێكسی جیاوازه‌ له‌ كه‌م ئاره‌زووكردنى سێكسی به‌وه‌ى که‌ یه‌كه‌میان هه‌مووده‌م هۆیه‌كه‌ى ده‌روونی كۆمه‌لاَیه‌تیه ‌و دووه‌میان هۆیه‌كه‌ی ده‌ررونى (وه‌ك خه‌مۆكى و دڵه‌راوكىَ) یان جه‌سته‌ییه ‌(وه‌ك نه‌خۆشی یان به‌كارهێنانى ده‌رمان)، هه‌روه‌ها وه‌ڕِسی سێكسی بۆماوه‌یه‌كى كه‌م که‌ چاره‌سه‌رکردنی ئاسانه ‌وهه‌رده‌م له‌ دواى چالاكى ئاسایی یان زیاد له‌ ئاسایی دروست ده‌بێت، ئه‌گه‌ر مرۆڤه‌كه ‌بۆ ماوه‌یه‌ك چالاكى سێكسی ئه‌نجام نه‌دات ئه‌وا ده‌گه‌رِیته‌وه‌ دۆخى جارانى، به‌لاَم كه‌م ئاره‌زووكردنى سێكسی ماوه‌كه‌ى درێژتره ‌و به‌بێ چاره‌سه‌ركردنى گرفته‌ جه‌سته‌یی یان ده‌روونیه‌كه‌ هه‌رگیز ناگه‌رێته‌وه‌ دۆخى جارانى. هه‌ر له‌ كۆنه‌وه‌ش ئه‌م دیارده‌یه‌ له‌ناو زۆربه‌ى كۆمه‌ڵگاكان هه‌بووه‌، هه‌ر كۆمه‌ڵگه‌یه‌كیش به‌پێی كلتوور و رِاده‌ى رِۆشنبیرى خۆى، مامه‌ڵه‌ى له‌گه‌ڵدا كردووه‌ له ‌ئه‌نجامدانى رِیتواڵ وسرووتى تایبه‌تى تا به‌كارهێنانى جۆره‌ها ده‌رمان وخواردنى ئاره‌زوو به‌خش.

    ئه‌گه‌رچى وه‌ڕِسی سێكسی هه‌رده‌م هۆكاره‌كه‌ى ده‌روونی كۆمه‌لاَیه‌تیه‌، به‌ڵام زۆرجاران شێوازى گوزه‌ران و جۆرى هه‌ڵسوكه‌وت و خواردن كار ده‌كه‌نه‌ سه‌ر ئه‌م چالاكیه‌ وه‌ك ئه‌نجامدانى وه‌رزشى رِۆژانه‌، خواردنى جۆراوجۆر، سه‌فه‌ركردن… هتد هه‌روه‌ها گرفته‌ ده‌روونیه‌كان فاكته‌رێكى گرینگن وه‌ك خه‌مۆكى، دڵه‌رِاوكێ، نشوستى و سه‌رنه‌كه‌وتن، ئه‌مانه‌ هه‌مووى وا له‌ مرۆڤ ده‌كه‌ن له‌ ژینگه‌ى ده‌ورووبه‌رى بێزار بێت، ئه‌وه‌ى گرفته‌كه‌ش ئاڵۆزتر ده‌كات كه‌م گرینگی دانى هه‌ریه‌ك له‌ ژن و مێرده‌ به‌ جوانى و رِوخسارى ده‌ره‌ویان و خۆنیشاندانیان به‌یه‌ك رِه‌نگ ویه‌ك ئاكار و جل و به‌رگ، ئه‌مانه ‌هه‌مووى كار ده‌كه‌نه‌ سه‌ر چالاكى سێكسی كه‌ به‌شێكه‌ له‌ پێكهاته‌ى خودى هه‌ریه‌كه‌یان وبێ دروستى به ‌شه‌كانی تر مه‌حاڵه‌ ئه‌م به‌شه‌ ئاسایی بێت، ده‌مه‌قاڵێی و گرفتى ترى رِۆژانه‌ هۆكارێكى ترى گرینگه‌، كه ‌وا له‌ پیاو ده‌كات به‌یه‌ك رِه‌نگ و یه‌ك وێنه‌ هاوسه‌ره‌كه‌ى ببینێت، له‌ هه‌مان كاتیشدا به‌هۆى ئه‌م گرفتانه‌ هاوسه‌ره‌كه‌ى هه‌وڵى خۆرِازاندنه‌وه ‌و گۆرِان نادات، ئه‌مانه‌ش هه‌مووى واده‌كه‌ن كه ‌ژیان لاى ئه‌وان بوه‌ستى ِو بێزارى دروست بێت. هۆكارێكى ترى وه‌ڕِسی به‌تایبه‌تى لاى پیاوان بریتیه‌ له‌ ئه‌نجامدانى كارى سێكسی له‌ ده‌ره‌وه‌ى ژیانى هاوسه‌رێتى، كه‌ ده‌كرىَ ئه‌مه‌ هۆكار و هه‌ندێك جاریش ئه‌نجام بێت.

    زۆرجاران ژن ومێرد، به‌ تایبه‌تى پیاوان به‌ شێوه‌یه‌كى ناوازه‌ هه‌وڵى چاره‌سه‌ركردنى ئه‌م گرفته‌ ده‌ده‌ن، وه‌ك دروستكردنى په‌یوه‌ندى له ‌ده‌ره‌وى ژیانى هاوسه‌رى، ئالووده ‌بوون به‌ ئه‌لكهول و ماده‌ هۆشبه‌ره‌كان، دووركه‌وتنه‌وه‌ى زۆر له‌ ماڵه‌وه‌، زیاد گرینگی دان به‌ئیش و كار و پشتگوێ خستنى داواكانى خێزان، یاخود گه‌ڕِان به‌دواى هاوسه‌رێكى تر و زیاتریش جاری وا هه‌یه‌ هه‌وڵى دان به‌خۆداگرتن وئارام گرتن ده‌ده‌ن، كه‌چى له ‌زۆربه‌ى باره‌كاندا هه‌وڵى ئارامى و دان به‌خۆداگرتن ده‌دات، یان هه‌وڵده‌دات قه‌ره‌بووى ئه‌م حاڵه‌ته‌ بكاته‌وه‌ به‌رێگا‌ى خۆ خه‌ریك كردن به‌كڕِینى كه‌ل و په‌لى ناوماڵ و زیاتر گرینگی دان به‌ منداڵه‌كانى، هه‌ندێك جاریش لادان و دروستكردنى په‌یوه‌ندى نادروست له‌ ده‌ره‌وى ژیانى هاوسه‌رێتى.

    ئه‌مانه‌ هه‌مووى رِیگاى نادروستن بۆ چاره‌سه‌ركردنى ئه‌م گرفته ‌به‌مه‌ش نه‌ك‌ چاره‌سه‌ری گرفته‌كه ناكه‌ن به‌ڵكو گه‌وره‌تری ده‌كه‌ن و بگره‌ كاره‌ساتیشى لێ په‌یدا ده‌بێت.

    رِیگاى دروست بۆ چاره‌سه‌ركردنى ئه‌م گرفته‌ بریتیه‌ له‌ هه‌وڵدان بۆ ده‌ست نیشانكردنى ئه‌و فاكته‌رانه‌ى بوونه‌ته‌ هۆى سه‌رهه‌ڵدانى ئه‌م گرفته‌، گرینگترینیان بریتیه‌ له‌ په‌یوه‌ندى نێوان ژن ومێرد و چاره‌سه‌ركردنى گرفته‌كانیانه‌، ئه‌ویش به ‌هه‌وڵدان بۆ كه‌مكردنه‌وه‌ى ده‌مه‌قاڵێ و مقۆمقۆى نێوانیان و له‌جیاتى ئه‌وه‌ به‌كارهێنانى شێوازى هێمنانه ‌و له‌یه‌ك گه‌یشتن و شێوازى دروست بۆ گوزارشت كردن له‌ هه‌ڵچون و توڕِه ‌بوون، وه‌ك قسه‌كردن له‌سه‌ر کێشه‌که‌ ‌و دۆزینه‌وه‌ى چاره‌سه‌ر بۆى نه‌ك په‌نگ خواردنه‌وه‌ى له ‌ناو سینگ و دوایش ده‌ربڕینى به‌ شێوازێكى ناڕِیك و توند و تیژ، جگه‌ له‌وه‌ هه‌وڵدان بۆ گۆڕِینى رِۆتینى رِۆژانه‌، كه‌وا بێگومان ئه‌مرِۆكه‌ بۆته‌ ده‌ردێكى گه‌وره‌ى زۆربه‌ى خه‌ڵك، به‌هۆى سه‌رقاڵ بوونى پیاو و ژن به‌ ئیش و كاره‌وه‌، مانه‌وه‌ى ئافره‌ت له‌ ماڵه‌وه‌ وا ده‌كات هه‌ریه‌ك له‌ پیاو و ژن بێزار بن له‌و رِۆتینه‌ى ژیان، چاكترین رِیگا‌ى چاره‌سه‌ریش گۆرِینى ئه‌م رِوتینه‌یه‌ به‌ ئه‌نجامدانى گه‌شت و سه‌فه‌ر كردن به‌ شیوه‌یه‌كى رێك و پێك وه‌ك بۆ نموونه‌ هه‌فته‌ى جارێك بۆ ده‌ر‌ه‌وه‌ى شار و دوو سێ شه‌و جارێك بۆ سه‌ردانى خزم و كه‌س و دۆستان، چاره‌سه‌رێكى تر ئه‌گه‌ر چى لاى هه‌ندێك كه‌س په‌سند نیه‌ بریتیه‌ له‌ دوور كه‌وتنه‌وه‌ى ژن و میرد بۆ ماوه‌یه‌ك (ئه‌مه‌ له‌ كاتێكدا یه‌كێك یان هه‌ردووكیان تووشى وه‌ڕِسی سێكسی بووبن‌، كه‌ هۆیه‌كه‌ى گرفتێكى ده‌روونی كۆمه‌لاَیه‌تیه‌) له‌م دووركه‌وتنه‌وه‌یه‌‌ هه‌ریه‌كه‌یان نرخ و پێویستى ئه‌وی ترى بۆ دیارده‌كه‌وێت، هه‌روه‌ها له‌م ماوه‌یه‌ هه‌وڵ بده‌ن به ‌هیچ شێوه‌یه‌ك په‌یوه‌ندى به‌یه‌كه‌وه‌ نه‌كه‌ن و هه‌ریه‌كه‌شیان چه‌ند گۆرِانێك له‌ رِوخسار و ئاكاریان دروستبكه‌ن وه‌ك گۆرِینى ستایلى قژ و به‌ژن رێكى و جل و به‌رگى نوێ....هتد.

    هۆكارێكى ترى گرینگ بۆ دووركه‌وتنه‌وه‌ له‌ وه‌ڕِسی بریتیه‌ له‌ گرینگی دان به‌ كات وشوێنى ئه‌نجامدانى چالاكیه‌ سێكسیه‌كان، وه‌ك بڕیار دان وخۆ ئاماده‌كردنى پێشه‌كى بۆ ئه‌نجامدانى ئه‌م كاره ‌و دابینكردنى كات و شوێنێكى هێمن، سه‌ره‌رِاى جل و به‌رگى تایبه‌ت و بۆنى خۆش.

    له‌ كۆتاییدا پێویسته‌ ئه‌وه‌ بڵێن شتێكى سروشتیه‌ كه‌ ژیانى هاوسه‌رێتى به‌ چه‌ند قۆناغێكى وه‌ڕِسى و بێزارى سێكسی تێده‌په‌رێت، چونكه‌ ژیان له‌ گرفت و ناخۆشی به‌ده‌ر نیه‌، به‌لاَم گرینگ ئه‌وه‌یه‌ هه‌ردوولا بزانن ئه‌م گرفته‌ كاتیه‌ و هه‌موو كات چاره‌سه‌رى شیاوى بۆ بدۆزنه‌وه‌.


    جی سپوت

    ده‌روازه‌یه‌ک بۆ سێکس له‌ لای ئافره‌ت

    به‌شی یه‌که‌م

    نوسینی :  د . خالد منتصر

    وه‌رگێڕانی :  نه‌وزاد عه‌زیز 

    سه‌رچاوه : ایلاف ژماره‌ 2195

    سێکس له‌لای ئافره‌ت چه‌شنی ئه‌شکه‌وته‌ داخرا و  پڕ گه‌وهه‌ر و نهێنی‌یه‌که‌یی عه‌لی بابایه‌ . گه‌رچی مه‌رجه‌ پزیشکایه‌تی بێلایه‌ن بێت . به‌ڵام به‌لایی من و له‌ هه‌ندێ کاتدا و به‌ تایبه‌تیش له‌ سیکسیێلۆژیدا  ،پزیشکایه‌تی  دووچاریی نێرایه‌تی هاتووه‌ و ئافره‌ت ده‌ڕوتێنێته‌وه‌ .  زۆربه‌ی تۆژینه‌وه‌ زانستیه‌کان به‌ ئاقاریی لێکۆلینه‌وه‌ی سێکس له‌ لای پیاو و په‌شێویی‌یه‌کانی کارده‌کات . هاوکات په‌شێوی‌یه‌کانی ئافره‌تان له‌ چاوه‌ڕوانی ڤیگرایا‌کدایه ، که‌ چۆن به‌‌ ویژدان بوو له‌گه‌ڵ پیاودا به‌هه‌مان دادوه‌ریش له‌گه‌ڵ ئافره‌تدا‌  مامه‌ڵه ‌بکات . له‌م تۆژینه‌وه‌یه‌دا له‌ هه‌وڵی ئه‌وه‌داین که‌مێک به‌ ویژدان بین و خۆمان له‌ قه‌ره‌ی چه‌مکی وروژاندنی سێکسی له‌ لای ئافره‌ت ده‌ده‌ین . ئه‌ویش به‌ جه‌خت کردنه‌سه‌ر ( جی سپۆت ) . ئه‌و ناوچه‌ نهێنی و ته‌لیسماویه‌ی که‌ پاشان به‌ دوورودرێژی ده‌یخه‌ینه‌ ڕوو.

    ده‌رونناسان ده‌ڵێن ، له‌ کاتێکدا گه‌شتی ئۆرگازم ‌ لای پیاو ده‌ست‌ پێده‌کات و به‌ ته‌واوبوون له‌ ماوه‌ییچوار خوله‌کدا کۆتایی دێت . ئافره‌ت پێویستی به‌ 15 خوله‌ک یان زیاتر هه‌یه‌ له‌ کۆکتێلکی هه‌مه‌چه‌شنه‌یی وروژاندن و ده‌ستبازی تاده‌کاته‌ ئۆرگازم . به‌ڵام ماوه‌یی چربوونه‌وه‌ی نه‌شئه‌ له‌ نێوان 8 بۆ 20 چرکه‌دایه‌.

     له‌ به‌رایی هه‌فتاکاندا ، تۆژینه‌وه‌یه‌کی چڕو پڕی شۆک ‌ئامێز جه‌خت له‌ سه‌ر ئه‌وه ‌ده‌کاته‌وه‌ که‌ له‌  12% ئافره‌تان له‌ ته‌واویی ژیانیاندا هیچ جۆره‌ ئۆرگازمێکیان  به‌ خۆ نه‌‌دیوه‌‌ . له‌ هه‌مان تۆژینه‌وه رێژه‌ی ‌16% ته‌کید له‌وه‌ ده‌که‌ن که‌ له‌ به‌ندیواریی سێکسیی و گه‌یشتن به‌ ئۆرگازم په‌نا بۆ وروژاندنی قیتکه‌ ده‌به‌ن . 19% هه‌ندێ جار و زۆر ده‌گمه‌ن ته‌نها له‌ڕێ‌ی به‌ندیواریی سێکسی‌یه‌وه‌ گه‌یشتوونه‌ته‌ ئۆرگازیم . و 26% به به‌رده‌وامی‌ی ده‌گه‌نه‌ ئۆرگازیم و 30%  ته‌واوبوونیان به‌ هه‌ستێکی باش پێناسه‌ده‌که‌ن.

    تاوتۆێکردنی سه‌ره‌کی ئه‌م تۆژینه‌وه‌یه‌ جیاوازیی نێوان هه‌ریه‌ک له‌ ئۆرگازمی قیتکه‌‌ و ئۆرگازمی زێدایه‌ . هه‌رچه‌نده له‌ حاڵه‌تی ‌ ڕه‌حه‌تبوونی قیتکه‌ ‌  بۆ ئافره‌ت ‌ مایه‌یی حه‌زێکیی به‌کوڵه‌ بۆ تێخستن و له‌ ناونان ( مه‌به‌ست چۆکه‌ ــ و ــ ) به‌ پێچه‌وانه‌ی تێخستن له‌ ئورگازمی زێ . تاهه‌نووکه‌ش جیاوازیی هه‌ریه‌ک له‌م دوو ڕه‌حه‌ت بوونه‌ جێ‌ی مشتومڕه‌ .

    ئه‌م  مشتومڕه‌ تا دۆزینه‌وه‌یی ئۆرگازمی جی سپوت به‌رده‌وام بوو  . که‌ ئافره‌تان له‌ میانه‌یی چوار ڕسته‌دا باسی لێوه‌ده‌که‌ن :

     1 ــ هه‌ستێکی هێنده‌ قووڵه‌ که‌ به‌ر له‌ ئێستا  هه‌ستم پێ‌نه‌کردوه‌ .

     2 ــ هه‌ست ده‌که‌م که‌ له‌ هه‌موو ئه‌و ئۆرگازمانه‌یی پێشوو جیاوازتره‌ .

     3 ــ زیاتر تێرکه‌ر و دامرکێنه‌ره‌وه‌یه‌ .

     4 ــ زێده‌ خۆش و به‌ هێزه‌ .

    سه‌رباریی ئه‌وه‌یی زۆربه‌ی ئه‌و ئافره‌تانه‌یی ئه‌م ئۆرگازمه‌یان له‌سه‌ر پیاده‌کراوه‌  ، باس له‌وه‌ ده‌که‌ن که‌ سه‌رتاپایی جه‌سته‌ ده‌گرێته‌وه‌  نه‌ک به‌ ته‌نها ناوچه‌یی حه‌وز.

    پێداویستی ‌ بوونی ( جی سپۆت ) ؟

     هاوکات له‌گه‌ڵ ڕۆلی چیژداریی سێکسی ( جی سپوت ) . تۆژینه‌وه‌کان جه‌خت له‌‌سه‌ر ئه‌وه‌ ده‌که‌ن که‌ ئه‌رکێکیی دیکه‌ی جی سپۆت که‌م کردنه‌وه‌یی ئازاره‌ له‌ کاتی منداڵبووندا .  به‌ بایه‌خترین تۆژینه‌وه‌ له‌م بواره‌دا . تۆژینه‌وه‌یی WHIPPLE &KOMISARUK  که ‌له‌ بواریی ده‌روون سازی له‌ ساڵی 1999 بڵاوبۆته‌وه‌ ، هه‌ردوو تۆێژه‌ر جه‌خت له‌سه‌ر ئه‌وه‌ ده‌که‌نه‌وه ‌" وروژاندنی خودی دیواریی پێشه‌وه‌یی زێ شایه‌نیی به‌رزبوونه‌وه‌یی ئازاره‌ . هه‌ردوو زانا له‌ تۆژینه‌وه‌یه‌که‌یه‌ندا ده‌ڵین ( له‌و باوه‌ره‌داین که‌ له‌ داهاتوودا  له‌دایک بوون به‌بێ ئه‌م به‌رگریه‌ سروشتی‌ یه‌ دژ به‌ ئازاره‌‌. به‌ ئازارتر بێت) .

    وه‌سفه‌یی ئینگلیزیی هه‌یه‌  بۆ ئه‌رکی ( جی سپوت ) که‌  له‌ هه‌موان زیاتر کۆنکرێتی‌یه‌ .  سیکسێۆلۆژی به‌ ENHANCE &    PROVIDE، یه‌که‌م به‌ مانایی وروژاندنی ناڕاسته‌وخۆیه‌ له‌ میانه‌یی گه‌وره‌بوونی قه‌باره‌یی چۆک له‌ زێ‌دا ، که‌ له‌سه‌ر جی‌سپۆت گاریگه‌ره‌ . به‌ڵامPROVIDE SEXUAL PLEASURE   کاریگه‌ریی ڕاسته‌وخۆیه‌ .

    په‌ڕین له‌لایی ئافره‌ت

    چه‌مک و زاراوه‌سازیی زانستی زۆر جاران ئاوێته‌یی ئه‌فسانه‌ و وه‌همه‌کان  ده‌بێت . بۆیه‌ گه‌ره‌که‌ له‌به‌ر ئه‌م هۆیه‌ باڵاده‌ست بین تاوه‌کو زانستیه‌یانه‌ له‌ مه‌ڕ ــ جی سپوت ــ به‌ شێوه‌یه‌کی ڕاست قسه‌بکه‌ین . تاوه‌کو نه‌فه‌سی زانستیه‌مان نه‌بێته‌  قسه‌کردن  به‌ زمانی هیرۆگلۆفی بۆ چینیه‌ک . په‌ڕین له‌لای ئافره‌ت چیه‌ . ئایا ئۆرگازمی جی سپۆته‌ . بۆ وه‌ڵامدانه‌وه‌ په‌نا بۆ چه‌ند پرسیار و وه‌ڵام ده‌به‌ین .

    ــ گه‌ر جی سبۆت و په‌ڕین له‌ لای ئافره‌ت هه‌مان شت نه‌بن . ئه‌دیی پێناسه‌یی په‌ڕین له‌لایی ئافره‌ت چی‌یه‌ .

    په‌ڕین له‌لای ئافره‌ت کاتێک ڕووده‌دا که‌ ئافره‌ت شله‌مه‌نیه‌ک که‌ جیا له‌ میز له‌ ده‌رچه‌یی میزه‌وه‌ ده‌رده‌په‌رێنت  ، کاتێک دووچاریی ورژاندن  یان نه‌شئه‌ ده‌بێت .

    ــ ئه‌م شله‌مه‌نیه‌یه‌ له‌ کۆیه‌وه‌ سه‌رچاوه‌ده‌گرێ .

    له‌ ده‌وروبه‌ری ڕاڕه‌وه‌ی میز و ملی میزڵدان ، تۆرێک له‌ گه‌ده‌یی بچووک و که‌ناڵ و ده‌مار هه‌ن که‌ به‌

    SKENE'S PARAURETHRALGLANDS ناوزه‌د ده‌کرێن ،  ئه‌م گه‌دانه‌ سه‌رچاوه‌ی ئه‌م په‌رینه‌ن .

    ـ  گه‌ر ئه‌م شله‌مه‌نیه‌یه‌ میز نه‌بێت . ئه‌دی سروشتی پێکهاته‌که‌ی چیه‌یه‌ ؟

    ئه‌م ده‌رهاویشته‌ یان با بڵێین شله‌مه‌نیه‌یه‌ . پێکهاته‌ کیمیایه‌که‌ی هه‌ردوو شه‌کریی گلوکوز و فرکتوزه‌ . له‌گه‌ڵ PSA  ــ  ئه‌نتیجینی تایبه‌ت به‌ بروستاتا  هه‌روه‌ها PROSTATIC ACID PHOSPHATASE  یان PAP .  ده‌کرێ بڕێکی که‌م له‌ میزیش له‌ خۆ بگرێ . ڕۆڵی فرکتوز له‌  ئاوی پیاودا  یارمه‌تیدانی سپێرمه‌ له‌ بزاوتن .  به‌ هه‌مان جۆریش فرکتۆزی ئافره‌ت یارمه‌تیده‌ره‌ بۆ به‌رده‌وامی جموجۆڵی سپێرمه‌کان تاده‌کاته‌ هێلکه‌ و پیتان درووست ده‌بێت . بۆیه‌ ده‌شێت له‌ نه‌زۆکیدا ئۆرگازم یارمه‌تیده‌ربێت بۆ پیتان .

    خاڵێکی دیکه .‌ له‌ ده‌مه‌کانی پێشوودا بۆ سه‌لماندنی تاوانی ده‌سترێژیکرن ، په‌نا ده‌برایه‌ به‌ر بوونی

    PAP  له‌سه‌ر جلی قوربانیه‌یه‌که‌ . به‌ڵام پاش دۆزینه‌وه‌یی  هه‌مان ماده‌ له‌ ڕژێنه‌ر له ‌لای ئافره‌ت رۆلێ له‌که‌م بوونه‌وه‌دایه‌.

    هۆی په‌ڕین چیه‌ له‌لایی ئافره‌ت؟

    وروژاندنی جی‌سپۆی هۆکاری په‌ڕینه‌ ، چونکه‌ چوارده‌وریی ئه‌و گلادانه‌یی داوه‌ که‌ په‌ستانیان ده‌چێته‌سه‌ر له‌ کاتی وروژاندیدا . هه‌ندێ له‌ ئافره‌تان له‌ ڕێگای ورووژاندنی قیتکه‌شه‌وه‌ ته‌واوده‌بن .

    ئایا هه‌موو ئافره‌تێک ده‌په‌رێت ؟

    پێوویسته‌ وابێت . به‌ڵام وه‌ک زانایان ده‌ڵێن بۆ ئه‌وه‌یی ئه‌مه‌ رووبدات پێویسته‌   وروژاندنی جه‌سته‌یی ، گرێدراوویی دڵنیایی نه‌فسی و سۆزدارێتی بێت.  لێره‌شه‌وه‌یه‌ که‌ لێکۆڵینه‌وه‌کانی  جی‌سپۆت له‌ پراکسیسه‌کاندا بێ‌ئاکامن ، چونکه‌ دڵنییایی ده‌روونی تێدا ده‌سته‌به‌ر ناکرێ .

    هه‌ندێ جار په‌ڕینی گه‌ڕاوه‌ بۆ میزه‌ڵدان ڕووده‌دات ، بۆیه‌ په‌رین له‌ رێ‌ره‌وه‌کانی میزدا به‌دیناکه‌ین ،

    ئه‌م دیارده‌یه‌ هه‌ندێ جار له‌ ئاره‌زوویه‌کی توند بۆ میزکردن به‌ ده‌رده‌که‌وێت . پاش ته‌واوبوونی ئورگازم.

     ئایا په‌ڕین له‌لایی هه‌موو ئافره‌تان درووست پاش هه‌مان ماوه‌ ڕووده‌دات ؟

    نه‌خێر ، له‌ میانه‌یی تۆژینه‌وه‌یه‌ک که‌ له‌ ڕێ M.ZAVIACIC 1998 له‌سه‌ر گروپێکی 10 ئافره‌ت ئه‌نجام درا و پرۆسه‌ی په‌ڕین له‌ ڕێ‌ی وروژاندنی جی‌سپۆت  به‌ڕێوه‌چوو.  ئاکامه‌کان جودابوون . دوو ئافره‌ت له‌ ماوه‌ی یه‌ک‌ خوله‌ک و نیویی سه‌ره‌تا و پێنجیان له‌ ماوه‌یی نێوان 4 بۆ 8 خوله‌ک له‌ پاش ورژاندن و  سێ‌که‌ی دیکه‌ش له‌ پاش 10 بۆ 15 خووله‌ک . گه‌یشتنه‌ په‌رین .

    بڕی ئه‌و شله‌مه‌نیه‌ فرێدراوه‌ چه‌نده‌ ؟

    ئه‌م پرسه‌ وابه‌سته‌یی گۆڕانه‌ ، به‌گشتی ده‌کرێ له‌ نێوان دڵۆپێک تا که‌وچکه‌ چایه‌کی پڕ بقه‌بڵێندرێ

    ….درێژه‌ی هه‌یه


    وڕووژانی قووڵی مێشک؛ هیوایه‌کی نوێ به چاره‌سه‌ری خه‌مۆکی ده‌به‌خشێ


    ئاماده‌کردنی:ده‌روون


     ماوه‌یه‌ک دوای به‌ده‌ست‌هێنانی ده‌ره‌نجامی باش له چاره‌سه‌رکردنی هه‌ندێ نه‌خۆشی‌ ده‌مار (وه‌ک پارکینسۆن) به وڕووژانی قووڵی مێشک، ئه‌م شێوه چاره‌سه‌ری‌یه له بواری نه‌خۆشی‌یه ده‌روونی‌یه‌کانیش تاقیکرایه‌وه. ئێستاش چه‌ندین هه‌وڵ و لێکۆڵینه‌وه‌ی نوێ هه‌یه بۆ چاره‌سه‌ری خه‌مۆکی به‌م‌ رێگایه.

     له تاقیکردنه‌وه‌یه‌کی هاوبه‌شی زانکۆی بۆن و کۆلن له ئه‌ڵمانیا، که له‌سه‌ر سێ نه‌خۆشی خه‌مۆکی گران ئه‌نجام‌درا، له دوانیان له ماوه‌ی چه‌ند رۆژێک گۆڕان و باش‌بوونی به‌رچاو له نیشانه‌کانی خه‌مۆکی به‌دی‌کرا. پرۆفیسۆر شلێپفه‌ر که یه‌كێ له سه‌رپه‌رشتانی ئه‌م لێکۆڵینه‌وه‌یه له زانکۆی بۆن وتی '' دووان له‌ نه‌خۆشه‌کان ته‌نها دوای چه‌ند خوله‌کێک له وڕووژاندنی مێشکی، به‌بێ ئه‌وه‌ی ئاگاداری کاتی وڕووژاندنه‌که ببن، گۆڕانکارییان لێ به‌دی‌کرا''. دوای وه‌ستاندنی، باری یه‌کێک له نه‌خۆشه‌کان دووباره به‌ره‌و خراپی رۆیشت، ناچار‌بوون دووباره هه‌‌ڵیبکه‌نه‌وه.

     چاودێریی نه‌خۆش و هه‌ڵسه‌نگاندنی ده‌ره‌نجامه‌کانی ئه‌م لێکۆڵینه‌وه‌یه له ڕێگه‌ی سکێڵی هامیلتۆن بۆ خه‌مۆکی (Scale D−HAM ) ئه‌نجام‌ده‌درا، که له هه‌ر سێ نه‌خۆشه‌که له 45 بۆ 25 ، 35 بۆ 25 و 20 دابه‌زی، دوای کوژاندنه‌وه‌ش به‌رزده‌بوونه‌وه. به هۆی پشکنینی PET گۆڕانی سووڕی‌خوێن و زینده‌کردار (Metabolism) ی مێشک به روونی ده‌رده‌که‌وت. شایه‌نی باسه ئه‌م لێکۆڵینه‌وه‌یه به شێوه‌یه‌ک رێکده‌خرێ که نه نه‌خۆشه‌که و نه ئه‌و که‌سه‌ی چاودێری ده‌کا ئاگاداری کات و شێوازی تاقیکردنه‌وه‌کان نین.

     

    1. وڕووژانی قووڵی مێشک له رێگه‌ی چاندنی ئامێری(Brainpacemaker ) به نه‌شته‌رگه‌ری له له‌شی نه‌خۆش و به هۆیه‌وه ناردنی ته‌زووی ئه‌لکترۆنی بۆ به‌شێکی دیاریکراوی مێشک ئه‌نجام‌ده‌درێت. له باری خه‌مۆکی (nucleus accumbens) ، که لێپرسراوه له به‌خشینی هێز و توانا و خۆشی به مرۆڤ، ده‌وڕووژێندرێ.

    2. سکێڵی هامیلتۆن بۆ خه‌مۆکی (Scale D−HAM ) سکێڵێکه بۆ  ده‌رخستن ودیاریکردنی راده و ره‌وتی نه‌خۆشی خه‌مۆکی و نیشانه‌کانی.

    سه‌رچاوه

     له گۆڤاری2007.Jun Propraxis Jun.2007


    بۆ بینینی لاپه‌ڕه‌کانی تر کلیکی سه‌ر ژماره‌کانی داهاتوو بکه‌

    5 4 3 2
    1

    © Copyright www.derun.org . 2007 . All rights reserved . Email: info@derun.org